結婚擺酒｜擺酒親戚缺席前一晚邀好友填位 港男斥新娘：當朋友係攝石？

擺酒時新人處理不當容易得失親友。一名港男發文抱怨，指女友的十多年好友早前結婚，因人數所限只能邀請她出席觀禮，但在結婚前一晚才指因親戚缺席「有空位」，並邀請她出席婚宴。事主批評新娘處理手法差，怒斥她如當朋友是「攝石」。

齊人之福？｜前女友踩場婚禮願當妾侍，新郎一次娶兩妻元配欣然接受，詳情即睇：【下一頁】

一名男網民上周六（4日）在連登討論區發帖，表示女友與一名相識10多年的女友人一向甚為要好，對方早前在疫情前結婚，但由於擺酒圍數不多，新娘最初表示會邀請其女友和其他好姊妹觀禮，但無法參與婚宴。

結婚前夕突邀請出席婚宴

未料婚禮前一晚，新娘突然通知其女友，由於有3名親戚無法出席婚宴，故有3個空位，遂詢問她「有冇時間嚟？」事主批評新娘的處理手法「肉酸」，認為她對朋友們欠尊重，並狠斥對方「當班Friend（朋友）係攝石？」

「人夾人，熟就要肯屈就？我反而覺得係新娘唔識人情世故！其實只要佢講句『人情唔使喇』之類嘅說話，聽者會Gur（順氣）好多，係Friend嘅點會去到真係唔做人情？佢擺明就係驚蝕3個位啦。」

觀禮期間直接向賓客討人情

事主指女友和新娘本身是好朋友，故沒有在女友面前多加評論，而女友最後亦以需回家吃飯做節為由婉拒參與婚宴。但最令事主不忿的是，女友去觀禮時，新娘的姊妹一見賓客到場即「攤大手板問人情」，甚至準備好利是封，待來賓封好人情才肯行開，令對方「唔好意思唔畀」，事主形容：

「好癲，畀就人情，唔畀就道理，但唔會開口問囉，去飲都未試過畀人咁問。我去觀禮都會準備少少心意，禮物又好，人情又好，但唔使攤大手板問人拎。」

幫忙籌備婚禮卻未被邀請去飲

事主透露女友本身已準備500至600元人情，同時需幫忙在婚禮上表演，直斥新娘「用人用到盡」，批評對方的詢問態度和做法「低莊」、「市儈」，

「新娘叫班女仔Friend（朋友）喺佢婚禮幫咗好多嘢，美其名話想『邀請』佢哋參與佢嘅婚禮，實質做嘅嘢同做姊妹嘅差唔多，但臨結婚前幾星期先知冇請佢哋去飲，仲要發生『攝位』呢單嘢，唔Gur我覺得係人之常情！」

事主表示，女友跟其他好姊妹事後已漸漸與新娘疏遠。

網民：請都唔去 VS 其實唔係好Friend

不少網民看到帖文後，指如該新娘當事主女友為好朋友，定會一早發喜帖邀請她去飲，直言事主女友被該新娘當成後備，又批評對方在婚禮上向人討錢的做法「肉酸」，亦有人分享自己的經歷。

↓ 點 擊 圖 片 放 大 ↓

但有網民表示，該新娘未有第一時間邀請事主女友去飲，更請其他人擔任婚禮姊妹，證明雙方關係其實不是這麼要好；有人則分享自己的經歷，指如跟一對新人相熟，大家講清楚就可以。

↓ 點 擊 圖 片 放 大 ↓

同場加映：

晴報識食｜前富豪飯堂老師傅主理 中環優雅茶館 嘆手工點心

{{hket:ul-video id="4057"}}{{/hket:ul-video}}

婚禮人情｜10名舊同學夾份「玩新郎」，男子以3000枚1元硬幣做人情，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀